首戰遇魚腩西班牙-4濕濕碎
國際賽周令到周一都有多場直播睇，玩番少少整條過關，增加睇波樂趣啦！穩膽梗係西班牙主場對列支敦士登，「鬥牛國」上仗熱身賽作客對住比利時都贏波，今場喺主場對住世界排名182嘅列支敦士登，當然可以炒番場，「讓球主客和」讓四球都冇有怕，繼續撐讓球主勝，印印腳睇入波騷等收錢。（有線62及202台周二凌晨2時45分直播）
西班牙新帥洛佩吉首次領軍出戰大賽外圍賽，之前都搵番個重量級對手比利時拍跳，結果新人事新作風，贏波贏聲譽，今場正式比賽出擊，當然唔會失威。鬥牛國係外圍賽之王，過去2屆世界盃外圍賽及歐國盃外圍賽都係以首名出線，喺外圍賽階段確係超班，首戰就遇到歐洲魚腩列支敦士登，絕對唔會煲魚生粥，一定成舊魚腩吞落去，以往3次主場對賽，西班牙分別贈列支敦士登6蛋、4蛋同5蛋，實力分野明顯，今日肯定又可以炒番場。
克羅地亞半場W啱數
同時間直播嘅仲有克羅地亞主場對土耳其（有線64及203台周二凌晨2時45分直播），兩軍都有參與今夏嘅歐洲國家盃決賽周，而且仲要同組，當時克軍小勝土耳其，最終亦只係16強加時不敵最終盟主葡萄牙，土耳其青黃不接，今場仲有阿達杜倫落選，實力進一步削弱，撐克軍半場搞掂土耳其。
至於較早時間進行嘅格魯吉亞主場對奧地利，奧地利作客都要讓半一，擺明有計，兩都實力有距離，上盤值博。
（有線61及64台周二凌晨零時直播）
页:
[1]