哥列迪巴前鋒啞火 平手盤國體會博得過

猪拉多纳

聽朝巴甲哥列迪巴迎戰國際體育會，足智彩開平手盤，揀國體會最少坐和望贏。哥列迪巴成班箭頭冇着射門鞋咁款，薛伊度亞度艾美達、謝拉度、查查喺聯賽開咧至今零進帳，球隊兩度主場出戰亦冇波入，何況有羅賓奴養傷同中堅魯卡斯卡路停賽，睇怕好難敲響聯賽勝鼓。

（開賽時間：周四早上6:30）
艾蘭古斯復出派牌

國際體育會今場有防守中場韋利安斯杜明高斯同中堅祖安停賽，不過遇着啞火嘅哥列迪巴，根本難對佢哋嘅防線構成威脅。雖則呢名聯賽「一哥」作客頗為弱雞，上季整體僅得約兩成勝率，今季兩場又和晒，但今場有坐完波監嘅艾蘭古斯喺中場組織攻勢，而拉菲爾摩拉同迪阿歷辛度呢對進攻好手亦狀態唔錯，卡爾萬睇好佢哋贏唔到都唔會輸，咁揀平手盤就啱數啦。