肯薩斯多倫多防線穿大窿

猪拉多纳

FC多倫多喺美職開季頭兩場係威係勢咁連贏兩場之後，狀態就一直好飄忽。聽朝佢哋會作客肯薩斯體育會，賽前已經有外借門將施薩索拉斯返巴西備戰世盃，好有可能之後就會返昆士柏流浪，防守力必定大減。另邊廂肯薩斯最近連輸兩場，後防輪換唔成功；雙方防線都唔掂，2倍入球大試得過！（TVB301台周六早上8:30直播）
施薩索拉斯向巴西報到

多倫多今季狀態「海鮮」到暈，雖然到目前為止8場只入咗9球，但其實只有兩場比賽入唔到波。射手迪科爾開季頭兩場入咗3球，但係要等上一場對紐約紅牛先再有波入。不過，呢位英格蘭射手一係唔入，一入就停唔到，所以呢場比賽球隊都係要靠佢數胡。可惜嘅係，QPR借將施薩索拉斯因為世界盃已經離隊，臨走前仲話今夏之後應該會返QPR，相信多倫多防守力必定大打折扣。

至於肯薩斯近兩場防線都出現問題，輪換制唔Work兩場失4球之餘，仲有彭馬布朗、哥連同伊基奧柏拉傷咗，後防可用嘅人少之又少，就算射手當姆戴亞近期當Fit都好，入幾多都未必夠後面輸。兩邊防守都唔掂，入球大捧得過。