快馬當先硬撼雙辣

不死鸟

 霍利時今季不少馬初出都有好表現，如「戰士」、「砲嘜」及「星火燎原」等都能一出即勝，可見霍廐馬作風有變，不再像以往般要熱身過後才有好表現，只要晨課有充足的準備，便有捧場價值。

        第二場四班一千米，「快馬當先」賽前曾兩試大閘，均有極佳表現，首次試八百米草閘跑第一，二、三名的均是李廐馬「特好」及「大家開心」，兩匹馬都是一出即勝，說是高水準大閘也不為過。

        觀「快馬當先」的試閘表現，馬如其名天生速度高，同父廐侶「三喜臨門」亦是早熟之馬，頭幾場已有表現，「快馬當先」操好才上陣跑直路賽，部署有點似「星火燎原」，今次遇到一批實力極為平庸之對手，配合韋達刑滿復出，有力一出即勝。

        論對手，同場作賽經驗較豐富之馬以「雙辣」最可取，上仗不良於行退出，反而有更充足的時間休養生息，唞唞埋埋威力更強，用旺人蔡明紹意欲盡地一煲，有力與前駒一撼。

        「納帕二號」上仗初出即入位，雖然水準唔算高，但相比今仗對手其實冇增強，排檔好加上已熱身開氣，亦有力爭勝。「勝在分秒」試閘贏「歡心」，葉廐馬初出配馬偉昌，來勢洶洶要提防。