福盃滿賞試準到位

猪拉多纳

　　計埋今賽，只餘下兩次谷戰，練馬師定會安排擅跑此場的馬匹搏殺，尤其是今季未交代之馬。雖然，我向來覺得跑了大半季也無法交出一W的賽駒，必定有問題，但由於牠們戰意十足，故此就算唔博W，買QT亦最好拖埋。

　　第一口孖T頭關第三場四班1200米，「福盃滿賞」今季五戰全部不入前五名，表面賽績乏善可陳。然而，上仗高伯新搵柏寶執韁跑谷草1200米，馬兒明顯有進步之感。當晚場地偏差不利後上，連一早跟在前列的超級馬「君子協定」亦無法在末段追過放頭馬「善喜」，只能獲亞。「福盃滿賞」拉士於大外叠追趕，落敗已是意料中事，惟牠竟可爆出全場第二快末段22秒93跑第八，僅慢過跑第四的「清新空氣」，可見後勁凌厲。今次再減兩分只負117磅，試準後排五檔應有好表現。

　　尾關第四場四班1650米，這場賽事有九駒上仗跑入前五名，絕對是四班強手之戰，看形勢，應以前置馬「綻放美麗」較為着數，揸QT膽最穩陣。

    (洋超)