飛腳日聯盃客Ｗ秤仙

猪拉多纳

今午日聯盃六場分組賽，焦點放喺兩組榜首大阪飛腳同甲府風林最後一仗，究竟能否全取三分出線，阿King就覺得兩者命運應該大不同，大阪飛腳雖然作客仙台維加泰，但仙台維加泰擺明志不在此，踢四仗只得一分，榜首大阪飛腳肯定全力爭取贏波，確保出線八強爭盃。

（周三下午6時開賽）
甲府風林難擋紅鑽

飛腳聯賽暫時排尾三，但實際上同第九嘅清水心跳只係爭三分，球隊暫時目標明顯放喺日聯盃，上周及周中快車分別擊敗A組對手鹿島鹿角及FC東京，表現極之有說服力，前鋒宇佐美貴史上仗梅開二度，呢個年輕前鋒上番力，對大阪飛腳係好消息，前面多一個人用，無論聯賽同盃賽都可以分心應付。相反仙台維加泰雖有主場之利，但佢哋冇咩心爭盃，踢四場一和三負未贏過，今仗無謂阻人發達，飛腳客Ｗ揀咗先。

至於B組榜首大戰，甲府風林主場對浦和紅鑽，風林今場係分組賽最後一仗，贏波肯定出線，但今仗對手浦和紅鑽一向喺日聯盃有好表現，過去三季有兩季殺入決賽，依家只比風林少一分仲要踢少場，球隊近況亦好，讓平半上盤可捧。最後揀埋同組名古屋鯨魚對柏雷素爾，鯨魚聯賽失利，梗係想喺盃賽發圍，但柏雷素爾亦唔係善類，呢個Matchup應該合演入球騷，揀大盤。