皇帝出巡後來居上

不死鸟

前日11場本地賽事，大熱掄元有3匹，三甲則有近半數入圍，成績算是中規中矩。第九場日本中央競馬會錦標結果大熱收場，就連Q都係大熱搭次熱，冠軍「至勇威龍」完成三連霸，次次贏來都係魚生粥僅僅熟，印證出好馬唔需要大勝，這匹「丹山」子嗣新季轉4歲肯定是下一季打�蠠衢T份子，胡森連埋之前「自動加速」包辦一口熱門孖寶，馬房今季表現真係破晒格，舊時好多馬都只係一招了，今季不單止長跑長有，好似前日咁仲做埋熱門保衛者，真係唔到你唔服。講開「自動加速」破格，唔能夠唔提鞍上人韋達，前日刑滿復出全世界都睇到佢實一實，3W之餘捧走騎師王是理所當然，不過估唔到要跑到第十場才分出勝負。
第八場二班1200米角逐跑馬地銀瓶，亦係全晚唯一盃賽，初步睇好「皇帝出巡」，上賽田草1200米力逼「紀利威龍」，轉投薛達志馬房跑到第五場終於有表現，復課更加明刀明槍，同程比田草1200米上名率還要高，鞍上人換上刑滿復出的都爾信得過，結合抽2檔必有遮擋，留前鬥後有權脫穎而出。