紅皮柚復甦收前失

不死鸟

香港短途馬王「蓮華生輝」出征新加坡出爭國際短途錦標，賽前並未受到外圍公司看好，之前在本欄筆者亦有提及，話咁樣仲好，因為無乜壓力而賠率又不俗，當地新加坡有5倍，而香港亦有4.1倍，筆者當然捧番自己友場有利回報，而「蓮華生輝」果然不負眾望，跑回自己水準，將當地連續7連勝?「火箭人」打敗勇奪此場國際短途錦標，人馬表現出色值得一讚。
今次「蓮華生輝」在當地被人睇好下取勝，而陣中所見「蓮華生輝」在最後一百米，一路壓住「火箭人」過終點，對手均本毫無威脅，敢言再跑長?更贏得遠?，更以1.07.8刷新埋當地克芝蘭馬場短途新紀錄時間，蹄下敗將「火箭人」佔晒天時地利都要俯首稱臣，可謂輸得心服口服。
今次「蓮華生輝」首次遠征成功奪標，練者姚本輝賽前?悉心部署及催谷得宜居功至偉，值得讚賞，亦期望此匹香港短途馬王繼後再遠征他方再爭取佳績為港爭光。
今周谷草夜戰延遲一日在星期四舉行，形成有一日空檔，睇過排位表後，對於方?列陣第七場的「紅皮柚」頗睇好其贏馬機會。
此駒上仗同程得第2表現出色較之前為佳，顯見牠態況回勇表現，而目前評分亦下調到贏馬時水位，拚完上勇態更進，今次再跑回谷草一哩贏馬途程，排得1檔好位，藉態勇班利路合有利條件集一身，力足贏馬交代而回。