金獅快將決心摘瓶

猪拉多纳

今季快活谷第一盃香港鄉村俱樂部盃，由霍廐「新妙星」勝出，周四谷草煞科，唯一錦標跑馬地銀瓶，霍利時派出「金獅快將」應戰，當然希望可以捧盃食尾胡，此重任就交給壽星仔田泰安。
       
「金獅快將」跑法主動，負輕磅更加如虎添翼。

季內於谷草1650米取得2W的「金獅快將」，今戰跑馬地銀瓶路程1800米，成績則平平，然而霍利時卻大派定心丸，認為此駒亦可勝任，並對田泰安的發揮有一定信心。
       
霍利時（左）與田泰安周四又有機會合作捧盃。

霍利時說：「『金獅快將』血統有長力根據，在外地更贏至2100米，所以1800米絕對可以應付，過往同程表現一般，只是際遇問題。上場包尾而回，難免令人失望，不過，相信只是偶一失準，或與途中收慢影響角逐情緒有關。距上仗雖只得兩星期，惟復課狀態及體力均能保持。對手方面，面對一眾高分強手『安賞』、『包裝博士』等，爭勝難度不低，但『金獅快將』憑輕磅優勢亦有突圍機會。」
       
爪皇盛水愈老愈乖巧

另外，一直主理開「爪皇盛水」的郭能，因停賽關係，帥印落入田泰安手上，霍利時對今次機會有以下睇法：「『爪皇盛水』過往陣上情緒欠穩，亦有慢閘毛病，不過隨住年齡漸長，脾氣已大為收斂，變得乖巧。前仗谷草1200米只以短距離不敵五捷馬『龍華太旨』，表現出色，上仗則際遇欠佳，敗不足據。以馬論馬，居三班具競爭力，只要有好檔配合，早段守在前列，有力再進凱旋門。」