烏拉圭「文」火煲魚生粥

猪拉多纳

踢返4-4-2球員唔多慣

烏拉圭上場同北愛爾蘭踢熱身賽，全場「老鼠拉龜」只係以1球小勝，王牌蘇亞雷斯缺陣明顯對進攻有一定影響。佢哋今仗將同斯洛文尼亞繼續「拍跳」，要贏應該冇問題，但球員始終要熟習冇「哨牙蘇」嘅打法，未必可以大炒對手。今場一於繼續追1.7倍入球細啦！

（TVB302及中央5台周四早上7:30直播）

烏拉圭對住北愛雖然控制住戰局，但係始終唔可以撕破對方防線，僅靠史杜安尼一次近門執死雞，先以1:0贏波。「烏圭」上一仗排出4-4-2陣式，同過去有「哨牙蘇」嘅4-3-3相比，踢法梗係有啲出入。成班波唔慣領隊泰巴尼斯用返傳統陣式，進攻「綁手綁腳」。

另邊廂，斯洛文尼亞雖然上一場同阿爾及利亞「拍跳」淨吞兩蛋，但係對住現時鋒力大減嘅烏軍，就算再輸都唔會輸得多，所以呢個入球細追得過。
哨牙蘇日練兩課

烏拉圭球星蘇亞雷斯早排受傷要做手術，唔少球迷都擔心佢踢唔到世盃。不過，經過10日養傷後，「哨牙蘇」由前日開始可以做簡單操練（圖），尋日仲喺訓練營兩度亮相進行單獨練習。據悉，烏拉圭大軍9號會坐專機飛赴巴西。