神機妙算升火待發

不死鸟

第一場五班1650米。「好機緣」至今勝出一次頭馬便是在谷草1650米，而該役贏馬功臣係由柏寶操刀，之後升班連拚多場無功，但亦唔見柏寶垂青，顯見此駒升上四班得不到柏寶睇好，經過一輪減分後，如今回落五班有利可圖，上仗拚入第三又見其態況回勇，柏寶主動索騎擺明有計，班利份子態勇路合，贏馬呼聲高唱。「龍子」評分回落有利水位，韋達揀騎有的放矢，肯施殺�艨蔂幥傲小�
第二場五班1200米。「神機妙算」上仗在田草1200米後追得第三姿態討好，末段更造出22秒98全組馬最快時速，顯見呢匹遲熟份子適應水土後展示威力，再睇回季內多戰名次拾級而上，可印證其狀態漸入佳境，4歲仔現處當打期，加上現時狀態踏上升軌，易配普萊西威力更強，及鋒而試已到收成期。「馬主叻」前仗負於「自動加速」得第二水準不俗，今次轉戰谷草遇弱旅，態況不弱馬有力爭取首捷。
第三場四班1650米。「駿冠」是匹衝力頗短馬，而谷草窄場直路短較合牠發揮，練者霍利時已了解其性能，所以集中在谷草1650米出擊，此駒情緒難穩定，所以演出時好時劣，但假如有狀態的話，必然交出水準，上次起步失機後上得第四，反映有勇態支持，今次跑回強項谷草1650米，韋達肯再騎顯見重視，交出水準穩位望贏。「火耀雷霆」轉入石?後重新打磨下，狀態納入正軌之餘，亦將其鬥心重燃，埋門快跳火力十足可印證，轉倉馬操勇而臨，決心贏馬省招牌。
第四場四班1200米。「好德煌」近兩戰得冠亞各一表現出色，上仗轉戰田草1400米埋門被「勁惑」追過，明顯輸途程經驗不及對手，論態仍處大勇之境，今次跑回勝途，力足贏馬收復前失。「雙龍出海」質新馬經過3場實戰後勇熟並進，今次轉用蔡明紹減7磅更好跑，質態俱備佳駟，有力跟前駒一決雌雄。