收晒料熱定身論盡世盃

猪拉多纳

世界盃仲有唔夠一個星期就開打，Peter自1982年喺無綫電視客串講世界盃，38年後再適逢其會，而且現時任職嘅兩大機構東方報業同TVB都會史無前例咁迎接呢項足球界嘅頂級盛事，佢哋嘅報道一定係神奇、頂級、超卓。Peter亦已「拉定筋」，會跟足所有師傅、良師同高人嘅金石良言去評述賽事。

Peter認為任何行業都唔可以食老本，現時科技發達大家會不斷接收資訊，所以唔可以有輩份階級，要做到「人老腦不老」。Peter嚟緊喺飲食同作息方面都會好有規律，務求以最佳狀態為東方報業同TVB報道世界盃賽事。Peter同時覺得懷緬過去係「Out」嘅，呢個係失敗者嘅心態，因為準備不足就等如準備失敗。

東方報業同TVB喺今屆世界盃搵嚟Peter嘅老拍檔江忠德「拍住上」，喺世界盃期間講波同畀料，我哋兩個合作多年一切駕輕就熟，猶如打咗口強心針，世界盃期間可以話係「故劍重逢東方會」。Peter認為能夠為東方報業同TVB兩大機構作世界盃報道，比起獲得金錢、大屋同靚車更重要，絕對係好豐盛兼夫復何求，讀者們今夏一定要留意《東方日報》體育版詳細報道嘅世界盃。
金句：不懷緬過去不展望將來全場投入世界盃