識玩小組首名 一定係玩過關！

猪拉多纳

小組首名賠率偏熱，建議作過關投X。分析今屆分組賽形勢，C組首名大熱係1.86倍嘅哥倫比亞，不過同組對手科特迪瓦同日本並唔好恰，建議剔除呢組。另一組最難估嘅首名，當然係死亡D組啦，3支前度冠軍意大利、烏拉圭及英格蘭都有實力，與其夾硬估不如放棄仲好。

其餘6關，A組巴西佔盡天時、地利、人和，3戰全勝機會高唱入雲。有球王美斯壓陣嘅阿根廷喺F組面對波斯尼亞、尼日利亞及伊朗，優勢亦係一面倒。

B組為西班牙、荷蘭及智利之爭，荷蘭攻強守弱，智利踢法同鬥牛國同出一轍，只要西班牙發揮正常，應可穩佔首席。

G組德國嘅情況同西班牙相似，表面上有C朗孭飛嘅葡萄牙、上屆8強加納、甚至美國都有機會爭出線，但以大賽經驗、板櫈深度而論，德國明顯更勝一籌。

E組法國今屆行大運，同組瑞士、厄瓜多爾及洪都拉斯都係三線球隊，法國有1.76倍超抵玩。H組比利時人才輩出，而且同組俄羅斯及南韓今非昔比，「歐洲紅魔」有權首名出線。