西班牙見好即收吼「1、2球」

猪拉多纳

B組嘅西班牙近幾年人才輩出，唔單止喺攻擊方面湧現咗一批射術精湛嘅前鋒，防線嘅表現亦步入佳境，成班波可以話變得更攻守兼備。不過，西班牙喺世界盃外圍賽嘅表現就非常穩陣，最多入球嘅一場波都只係入咗4球，贏波嘅比數大都係一球起兩球止，和波就同對手打成1比1，好少會大炒對手。

再睇返上屆世界盃賽事，西班牙除咗分組賽第二場贏洪都拉斯2比0同最後一場贏智利2比1之外，其餘賽事全部都係以1球小勝對手或以1球落敗，咁除咗因為西班牙嘅踢法穩陣，鍾意控球在腳慢慢找尋機會外，其他球隊面對西班牙往往都係採取穩守為先嘅戰術，搞到西班牙好難先入到波，所以西班牙嘅賽事投X總入球1同2球係最佳選擇。
推介：西班牙(1、2球)