足智彩對主W有保留 智利1.68倍細要吼

猪拉多纳

阿歷斯山齊士話智利都有機會捧世界盃喎，相信呢一點冇乜人會認同。事實上聽朝智利對澳洲場波，都唔見得足智彩絕對睇好佢哋，反而入球細個水位仲似樣。

如果單睇個主W，智利又真係值得秤先啲嘅，足智彩個1.4倍主勝，低過唔少同行，問題係和同客勝兩瓣，都係比人哋熱，造成呢個現象，除咗各個地方菠菜稅率唔同，亦都反映出足智彩對智利嘅贏面有啲保留，假如真係W得嘅，澳洲嘅水位一定拍得住其他公司，唔會低成咁。
水位低過其他行家

智利可勝不穩，買主W又冇肉食，博3.15倍「讓球和」自然冇壞，但係風險偏高，一於就玩1.68倍入球細，因為Check番咁多間公司嘅入球大細，足智彩個細最低水，2.05倍入球大就拍住甚至高過其他行家，開細機會應該大啲。