烏拉圭虛張聲細

猪拉多纳

褪色三叉戟難炒哥斯達黎加

死亡D組頭場烏拉圭對哥斯達黎加，上屆殿軍烏拉圭理應係出線熱門，皆因呢隊南美球隊喺巴西踢世盃，等於有半個主場之利，不過人算不如天算，隊中王牌球員蘇亞雷斯臨開波先嚟受傷，今場上陣成疑，球隊攻力大幅削弱，至於自稱係「大巴司機」莫連奴粉絲嘅哥國主帥路爾斯賓圖，今仗當然會沿用偶像有名嘅「大巴戰術」死守，捧1.64倍細盤！

（無線翡翠台、無線明珠台、TVB 13、TVB 19、now 818及840周日凌晨3時直播）

烏拉圭上屆世盃憑住進攻「三叉戟」蘇亞雷斯、科蘭及卡雲尼一路殺到4強，不過4年之後，雖然佢哋3人今屆世盃仍有得踢，但已經係今非昔比，今季喺英超踢到識飛嘅阿蘇喺世盃臨開幕先嚟傷，要做膝蓋手術，雖然佢日前已經復操，但今場對哥國仍上陣成疑。

歲月催人老，35歲嘅科蘭唔再係上屆世盃嗰個攞金球獎嘅球員，已經唔係剩番好多貨仔，而且佢早前曾因消化系統出現毛病而未有參與球隊操練，即使今場可以上陣，狀態並非十足，即係話前線得番卡雲尼一個，孤掌難鳴。冇咗阿蘇嘅烏拉圭，對上兩場熱身賽對住弱旅北愛爾蘭同斯洛文尼亞都只係小勝1至2球。

哥斯達黎加領隊路爾斯賓圖聲稱自己最欣賞莫連奴，大讚其戰術一流，呢位「大巴莫」粉絲梗係樂意用「大巴戰術」對抗組內3強，早前已經講到明佢哋會專注防守，踢防守反擊博偷雞，至於防守嘅關鍵人物就係基羅拿華斯，呢位27歲門將今季喺利雲特表現出色，係西甲撲救次數最多嘅門將，共有160次，幫球隊有16場聯賽保住清白身，哥國今場食粥食飯都靠晒佢，細盤值得捧場。
博烏拉圭科蘭「被換出」

另外，正如上文所講，烏拉圭前鋒科蘭年事已高，體力已經不復當年，投X不妨博吓科蘭於特別項目嘅「被換出」。
佩治 Felix Brych

國籍：德國

年齡：38

曾執法主要大賽：德甲、歐聯、歐霸盃

簡介：佩治學識淵博，本身是一位法律博士及律師，對球例自然瞭若指掌。不過在激烈的比賽中，佩治亦難免犯錯，包括11/12年歐聯分組賽曼聯對加拉治，將尼曼查維迪趕出場，亦判紅魔鬼獲得兩球12碼，引起爭議。另外，他亦主吹了上月歐霸盃決賽，被指多個判決偏幫西維爾，遭到批評。

執法場數：73

黃牌數：252

紅牌數：17

判12碼：24

平均黃牌：3.45

平均紅牌數：0.23

平均判12碼次數：0.33
科娜推介：細