烏圭走樣英軍上盤可捧

猪拉多纳

前晚兩大焦點球隊德國、葡萄牙登場，賽前大戶力捧有C朗壓陣嘅葡萄牙，勢估唔到比賽過程咁一面倒，好彩大戶發覺唔對路，即刻走地追番大盤補數，唔使損手離場。之後嗰場伊朗對尼日利亞，賽前尼日利亞上盤不停落飛，不過大戶依然企硬要下盤，而且仲反其道揀細盤，眼光真係犀利。尾場加納對美國擺明係場五五波，雙方同樣體力好，踢法又夠實際，賽前已經預計會有唔少入球，結果捧大盤亦中到應一應。

今日率先講吓聽晚舉行嘅幾場比賽，重頭戲係死亡D組烏拉圭對英格蘭，上屆四強之一烏拉圭首戰輸畀哥斯達黎加令好多街客跌眼鏡，不過其實賽前唔少早餐飛都傾向買下盤，結果真係波盤齊輸。英格蘭呢幾日不停落飛，依家嗰盤去到讓平半，烏拉圭今屆嚴重走樣，受讓都信唔過，揀英格蘭上盤。
日本上仗敗不足辱

另外兩場都係C組比賽，科特迪瓦係非洲最強隊伍，哥倫比亞上仗大勝只因希臘太曳，今次哥倫比亞讓平半捧下盤。最後日本對希臘，希臘上場踢落完全未夠班，反而日本雖然輸波，但攻守都有板有眼，今次可以贏番一場，讓平半上盤捧得過。
肥叔心水

科特迪瓦 下盤、大

英格蘭 上盤、大

日本 上盤