武士神駒越程添食

不死鸟

剛憑「蓮華生輝」捧走新加坡國際短途錦標的柏寶，周三晚又憑「好德煌」大熱贏馬之外再次登上騎師王，可謂由獅城贏到返香港！雖然騎者策方?「世界波」後上不及得第二，但今次騎練有望憑「武士神駒」合作再贏一仗。第五場四班1600米。「武士神駒」上仗轉方?初出角逐1400米，獨贏賠率賣到得17蚊，可見幕後信心十足，但馬匹取勝過程就非常驚險，終點前柏寶鞭推兼施，出盡渾身解數之下，最後只僅僅叮贏匹「駿馬繽紛」，贏埋講真都唔夠捧場客買驚風散，由於馬匹末段較遲才撻得着，今次馬房安排跑1600米，而不跑同日贏馬路程1400米，絕對係深思熟慮安排，難得贏馬後只加5分，仍可留在四班角逐，優勢可謂不言而喻。
配腳方面，「消費王」上賽證明負重無問題，田草近過可加入。「赤��雄威」輸蝕跑法被動，贏或不易，位置則不敢批死。「魯班精神」重戴眼罩後有進展，亦都是配腳材。