厄瓜多爾睇定嚟食

猪拉多纳

主帥魯達上屆教過洪都拉斯

E組次輪賽事，洪都拉斯於庫里蒂巴拜沙達球場鬥厄瓜多爾！現為厄瓜多爾領隊嘅魯達上屆帶領洪都拉斯出戰南非決賽周，今次倒戈好清楚對手有幾多料，而且洪都拉斯今仗有中場主力柏拉西奧斯停賽，本身已經唔強嘅戰鬥力再 打折扣，波童捧厄瓜多爾客W。

（TVB 13及19、now 818及840周六早上6時直播）

今場對賽雙方首戰均失利，厄瓜多爾於領先一球優勢下，下半場連失兩球畀瑞士全失三分，其實厄瓜多爾上場表現唔曳，未輸「絕殺波」前，米高阿羅約更有一次黃金機會可置對手於死地，可惜佢嘅射門被阻後，部分球員冇回防意識，令瑞士獲得反擊機會致勝。吸取了上次教訓，同時為要贏波保持出線機會，今次厄瓜多爾一定會打醒十二分精神及比上場踢得更加積極。
洪軍大將停賽點頂

有一點值得留意，厄瓜多爾領隊魯達以前曾經教過洪都拉斯一段長時間，佢喺2007年上任，一手一腳帶領球隊打入上屆南非決賽周。洪都拉斯再上一次參加決賽周係1982年，魯達能夠領軍一搔28年之癢，足證功力有番咁上下。佢喺上屆決賽周後便離開洪都拉斯轉教厄瓜多爾，自然好清楚對手底細，有助厄軍爭勝。

洪都拉斯上場淨吞法國隊三蛋，而且仲有中場柏拉西奧斯被逐，打擊非常沉重。洪都拉斯本身實力已經唔強，今場冇埋呢名主將壓陣，搶分機會更加渺茫，厄瓜多爾客W屬穩健之選。

特別項目方面，洪都拉斯上次對法國下半場十人應戰，前鋒卡路哥斯利搏足全場，今仗隨時後勁不繼，可一試5.5倍「被換出」。
厄軍對賽例有波入

兩隊自2000年之後曾多番對壘，雙方表現頗為接近，近六次碰頭中，厄瓜多爾贏出兩次，洪都拉斯勝出一次，其餘三仗則和局收場。入球大細方面，開出四細兩大。另一點可留意嘅係，厄瓜多爾除咗兩場勝仗外，其餘四場同樣都能取得入球。
賓威廉斯亞洲最佳球證

國籍：澳洲

年齡：36

曾執法主要大賽：10世冠盃、11亞洲盃、12奧運

簡介：賓威廉斯27歲便成為國際球證，執法超過100場澳職，現時是澳洲最具經驗的名哨，上年更當選亞洲年度最佳球證。2012年於奧脫福球場擔正吹英國奧運首戰對塞內加爾的分組賽，暫時屬於他主吹生涯最具分量的大賽。
賓威廉斯Ben Williams

執法場數：77

黃牌數：320

紅牌數：27

判12碼：18

平均黃牌：4.16

平均紅牌數：0.35

平均判12碼次數：0.23
笛子波童推介：厄瓜多爾 勝