玩厄瓜多爾入球細合理

猪拉多纳

「洪」軍輸罰球都輸死

如果揀決賽周邊隊最茅，洪都拉斯認咗第二冇人敢認第一，佢哋上場畀法國炒咗3蛋，唔少球員孭咗牌，以呢班波咁粗枝大葉唔識收腳，對住厄瓜多爾呢啲南美波，肯定輸罰球都輸死。
洪都拉斯粗枝大葉好難頂得住唔輸

今場波足智彩個厄瓜多爾客勝得1.62倍，同其他同行差唔多，洪都拉斯主勝同個和都偏低，驟眼睇落厄瓜多爾贏都好吃力。但係厄瓜多爾上場波對瑞士，領先咗半場，到補時階段至輸波，表現同人腳質素都明顯喺洪都拉斯之上，左睇右睇，真係搵唔到博主隊唔輸嘅理由。

唔理點樣，厄瓜多爾贏先正路，所以不妨照博厄瓜多爾W，好過玩讓半一嘅厄瓜多爾上盤，因為後者得1.90倍，萬一贏1球索得半格得個搞字。當然，如果想好分頭啲，1.88倍入球細會係最佳選擇，事關洪都拉斯冇乜入波本錢，厄瓜多爾似乎亦炒唔起，博細同博客勝一樣咁合理。