喀麥隆太渣玩巴西上盤

猪拉多纳

世盃分組賽聽晚進入第三輪賽事，名牌球隊西班牙喺B組對澳洲一戰已成例行公事，今場仲要讓到一球、球半，個盤完全唔抵玩，呢類波開乜賽果都得，不宜落注。至於A組克羅地亞對墨西哥亦好難搞，以波論波應稍為秤先克羅地亞，但墨西哥上場對巴西有料到，都係唔勉強推介。
橙軍後防不穩利開大

剩低兩場比賽，B組智利對荷蘭要爭小組首名，智利頭兩場表現好犀利，上場贏西班牙充滿說服力，荷蘭雖然都唔差，不過上場對澳洲都失兩粒，防線唔算穩健，首選大盤。

東道主巴西則於A組最後一仗對已經出局嘅喀麥隆，莊家今場將大細中位數定為3.5球，理論上喀麥隆要喺巴西身上入波唔容易，玩大唔多穩陣，巴西讓兩球半寧願捧上盤。