玩俄羅斯「讓客」合理

猪拉多纳

比利時五五波讓唔起

高柏尼、夏薩特賽前都傳出受傷嘅消息，雖然可能係煙幕，但係計比利時第一場波嘅表現，恐怕唔強得過俄羅斯幾多，今日佢哋要讓平半，其實冇乜着數可言。
足智彩壓低和波唔睇好比利時W

比利時上場波對住阿爾及利亞，落後咗70分鐘至追平，到完場前10分鐘先反勝，過程都幾驚險吓。講真吖，俄羅斯係就係比唔上前蘇聯時期，不過實力仲係強過阿爾及利亞，衰極都拍住比利時，屬於歐洲二流，佢兩隊喺巴西里約熱內盧呢個中立場交手，大家都冇天時地利人和，根本就係場五五波。

由幾間菠菜公司嘅水位睇到，比利時無疑係較熱嘅一隊，問題在於佢哋個主W，都比平均賠率略高，絕對係可勝不穩，而且足智彩個和波仲特別壓得低添。呢啲環境唔使諗，一定係受讓嗰隊着數啲，弊在俄羅斯受讓平半，個下盤得2.15倍，索半格太過冇肉食，所以不如玩「讓球客勝」好過，起碼有1.73倍，俄國佬守和就掂。