洪瑞暢通中門大開

猪拉多纳

出線未絕望 兩隊打甩髀

E組另一場賽事，洪都拉斯於馬瑙斯亞馬遜球場鬥瑞士。瑞士今場贏波出線仲有價講，不過佢哋後防大將雲貝根重創提早告別決賽周，隨時中門大開。洪都拉斯上場和厄瓜多爾互有攻守，並非魚腩部隊，無論為僅餘出線機會抑或為面子而戰，相信洪軍都會放開懷抱踢番場好波，捧大盤啱數。

（TVB 01、now 801及841周四凌晨4時直播）
洪都拉斯背城借一喪攻

瑞士目前和厄瓜多爾同得3分，由於得失球差遜於對手，想出線最理想當然係自己贏波而厄軍失分，不過中堅雲貝根上仗對法國時撞傷面骨，肯定無法出戰餘下賽事，對防線造成一定影響。雲貝根頭兩輪分組賽都係擔任正選，上場佢傷出後，由辛德路斯夥拍佐羅扼守中路出現唔少漏洞，無論今仗續用呢對拍擋、抑或起用今屆從未上陣嘅米高蘭治、法比安舒哈都難予人穩健信心。

洪都拉斯今場如果大勝瑞士、同時間厄瓜多爾又以大比數落敗畀法國，洪都拉斯仍有機會憑較佳得失球差取得小組次名出線，雖然機會唔大，不過喺洪都拉斯球員立場已經冇嘢好輸，心態上唔會過於保守。從上輪比賽所見，洪都拉斯面對厄瓜多爾並非毫無還擊之力，而且更憑卡路哥斯利入波一度領先對手，面對防線不穩嘅瑞士有機會偷雞，大盤可取。
瑞士側擊力強角球必多

其他投X項目，瑞士除有優質翼鋒梳頓沙基利，兩閘列治史迪拿及列卡度洛迪古斯亦擅於落底助攻，側擊力強，而且後防多甩漏，預計有唔少角球出現，敲角球大。
笛子波童推介：入球大