法國神劍斬瓜切菜 大開殺戒

猪拉多纳

世界盃未揭幕之前，大家睇勻各隊嘅23人名單，都估東道主巴西同阿根廷係今屆冠軍大熱門，其次係衞冕嘅西班牙同荷蘭，反而好少人會貼法國。不過睇完各組嘅首兩輪演出，估唔到賽前因冇咗列貝利被睇低嘅法國，表現竟然非常出色，攻守兼備，仲個個識入波添。睇個勢入4強應該冇難度！今晚對住喺E組排第2嘅厄瓜多爾，睇怕會上演一場入球騷，心水推介1.78倍入球大！

（TVB13及now818台、中央5台周四凌晨4:00直播）

法國上場以5:2大炒瑞士，首戰又3:0擊敗洪都拉斯，2戰共入8粒咁多，同上屆零入球分組賽執包袱相比，真係天淵之別！

講到炒瑞士場波，法國最Sharp醒嘅一定係前鋒賓施馬，狀態弗到漏，射入1球兼有2個助攻。可惜佢運仔麻麻，射失咗12碼後，完場前一刻入波，又因球證吹完場雞唔計，如果計埋首戰對洪都拉斯嘅入球唔係被判烏龍球，賓施馬2場應該入6粒，而唔係家陣3粒咁少，認真唔抵！
法國入波分布廣 5將有士哥

況且法國隊勝在得分點多，兩戰嘅8個士哥係由5位球員包辦，賓施馬射入3球，基奧特、馬度迪、華布拿同穆沙施素高都有1球，個個都咁入得，隨時佢哋今晚又會開番場入球騷畀大家開心吓！何況中堅華拉尼因腸胃有事，今晚一定唔踢得，更加會以攻代守。
厄瓜多爾 安拿華倫西亞弗爆

對手厄瓜多爾嘅前鋒安拿華倫西亞同樣表現出色，上場對洪都拉斯梅開二度，首戰對瑞士時又有1球進帳，兩場炮製3個士哥，暫時同梅拿仔、尹佩斯同賓施馬等星級射手齊齊入咗3粒，期待今晚佢同賓施馬兩個鬥射術、鬥入波，一於捧入球大，唔好心多呀!
近10戰僅得3勝

厄瓜多爾近10仗取得3勝4和3負。

歷來同法國只曾1次交手，當時以0:2落敗。

近2場分組賽有18次攻門，共11次中框，喺32強中排名第2。

喺02同06年2屆世盃分組賽最後一戰，取得為1勝1負。
射門中框次數冠32強

法國近10場比賽，取得8勝1和1負。

近2場分組賽平均傳球成功率為83%，32強中第2位。

近2場共射門42次，中框26次，為32強中最多射門中框次數球隊。

近3屆世盃第3場分組賽，成績為1勝2負。
基奧特腳風順博首球

法國前鋒基奧特上場表現出色，個人梅開二度，今場好有機會繼續正選上陣。呢位射手射術一流，法國數胡靠晒佢。基奧特首名入球有3.8倍，相當抵玩。