美德之戰大盤穩陣

猪拉多纳

意大利前晚輸畀烏拉圭，同英格蘭、西班牙齊齊提早執包袱，冇咗呢幾支名牌球隊，生意難免會有影響，好彩仲有荷蘭、德國、法國都勁旅撐住，荷蘭今屆狀態大勇，兩個孭飛球星尹佩斯、洛賓都好弗，前景唔錯，另外德國、法國同樣有市場，其中法國今屆踢法好有娛樂性，吸引咗唔少支持者，受注意程度自然亦大增。世界盃四年一次，係國際性大賽，所以就算少咗幾支名牌球隊都唔會影響投X熱潮。

講番今晚比賽，G組美國對德國賽前有唔少傳言，不過正如剛才所講，世界盃係全球盛事，好多人都望到實，想出蠱惑唔容易，今場都追大盤最穩陣。
畀多次機會葡萄牙

同組另一場葡萄牙對加納，肥叔講過非洲球隊信唔過，前晚科特迪瓦真係輸埋畀希臘，今次信多葡萄牙一次。H組南韓對比利時，比利時已經出線戰意難測，南韓進攻火力弱，捧細盤。最後阿爾及利亞鬥俄羅斯，阿爾及利亞連贏兩個盤食飽晒，俄羅斯爭出線非勝不可，讓平半盤口合理，捧上盤。