洛賓入3球有40倍和味

猪拉多纳

識博嘅一定係博洛賓入3球或以上，有成40倍喎！今屆世界盃只有兩位球員試過連中三元，無獨有偶都係嚟自拜仁慕尼黑嘅球員，佢哋分別係湯馬士梅拿同梳頓沙基利，如果大家信呢條「拜仁私家路」嘅話，不妨博吓洛賓可步兩位球會隊友後塵。事關呢位荷蘭翼鋒今屆大熟大勇，睇佢分組賽表現就知上晒力，要用速度嚟硬爆年紀大、轉身慢嘅墨西哥中堅馬基斯絕冇問題。