撐比利時2倍半和冇死

猪拉多纳

一場過生死戰唔敢亂嚟

「歐洲紅魔」比利時今屆畀到人一啲期望，但係嚟到淘汰賽呢啲階段，除非你真係高人成班波，否則90分鐘擺平唔到對手好平常，以比利時嘅實力係咪高得過美國一班呢？恐怕冇人會咁諗，今場波一於博個2倍半場和。
歐莊主勝讓盤升水美國未必唔夠揪

由賽前各大菠菜公司個水位去睇，除咗足智彩乜都低開冇郁動，其他莊家不論主客和、讓半一嘅讓球盤，都係見到比利時升水嘅，甚至連2.5球中位數嘅入球大，一樣出現上調，咁即係話比利時個W唔多保險，大勝可能更加低，出現一場悶戰真係唔出奇，衰起上嚟畀佢兩隊悶足你120分鐘添。

當然，好多人覺得美國係冇掣火車頭，好講體育精神，唔會踢消極波。問題係巴西嗰邊比較熱，美國佬雖然喺適應方面着數些少，但係响呢啲一場定生死嘅波，佢哋都未必敢一埋牙就踩行油，比利時班歐洲佬更加唔敢亂嚟，何況佢哋3場分組賽就有2場開半和，照攤路博一博無妨。

yyf888888