尊係贏求光榮退役

不死鸟

黎海榮今期停賽復出，昨朝晨課積極為上陣馬出試，跟手又與多位練馬師密斟，反映這位華將想復出即欲爭取頭馬，今次谷草夜賽，當真要留意其座騎。列陣第一場的「尊係贏」，近朝見何良和黎海榮都特別緊張此馬，似乎今仗有手影，確實要睇住。
「尊係贏」現年已10歲，意味着今季後此馬便要退役，因此陣上一定可拚則拚。事實上何良保養此駒甚好，季初牠連搏多仗都可上名，可惜就是與頭馬無緣，之後良哥都不再急於一時，因為季中開始其他馬上力後，這類老馬要爭功，形勢上較難，因此在1月後，特別安排這匹老馬休息，直至4個多月後，早前復出跑谷草1650米，體力充沛後再搏，可惜又是得亞軍，確實欠點運氣。
今仗老黃忠再度攻堅，增程跑谷草1800米，腳法上會比上仗的1650米更合發揮，加上是次又排得不錯的4檔起步，形勢不錯，兼且近日騎練都對此駒甚緊張，是次戰意一定十足，且看能否把握機會，在牠退役前可贏回一仗。