8強更加要玩細

猪拉多纳

世界盃來到8強，已冇高低之分，特別係今晚兩場賽事，法國對德國、巴西對哥倫比亞，屬於正宗五五波，加上淘汰賽階段，對賽雙方都會特別小心，預料入波會偏少，甚至互交白卷踢加時，即使90分鐘分出勝負，相信都係1球上落，建議捧入球細。
巴哥隨時踢加時

今屆分組賽幾乎場場開大，但踏入淘汰賽之後即轉勢，16強8場有7場開細，其中5場仲要踢加賽，甚至互射12碼。一來證明各隊實力接近，二來淘汰賽一戰定生死，反映大家都以唔失波為前提，踢法自然比較保守。德國名氣較大，整體演出好硬淨，但對手法國亦唔弱，組織力強，高手過招往往緊張而不精彩，唔好期望雙方會鬥攻。

至於巴西前鋒質素麻麻，哥倫比亞畢竟作客，唔敢太冒進，佢哋防守尚算穩陣，有力抵禦巴西來襲，甚至守到加時先至分到勝負。