往績有保證首選T梅

猪拉多纳

德國過往喺大賽都食住法國，睇好佢哋先開紀錄，「首名入球」首選係「T梅」湯馬士梅拿。呢位拜仁慕尼黑進攻中場喺國家隊，實際上係司職前鋒，射門機會比其他隊友多，佢今屆已射入4球，其中兩粒係「首球」，往績有保證，3.65倍熱得有道理。另外，次選可以考慮高路斯，如果德國遲遲未能入波，領隊勒夫應會派呢位老將上陣搏殺，36歲嘅高路斯老而彌堅，要力爭打破朗拿度嘅世界盃累積最多入球紀錄，或者就喺今場創造歷史。