「橙軍」上盤頂多輸半格

猪拉多纳

「哥斯拉」難再玩突襲

乜嘢叫做神奇，神奇就係出乎人意嘅嘢，按常理唔可能發生嘅，所以呢類神奇事物總有一日會終結。哥斯達黎加神奇咗咁耐，今晚遇着荷蘭，應該係時候告一段落，因為佢哋嘅神秘面紗已經揭開咗，好難搞乜嘢奇兵突襲。

哥斯達黎加今屆踢得真係好唔錯，全隊上下一心，令一支世界二流部隊打出一流表現，證明團結真係力量。但係响過去4場波，佢哋其實一場踢得比一場吃力，喺16強對住今非昔比嘅希臘，就算贏都好辛苦。除咗路數畀人睇通咗，對住壓迫性強嘅歐陸式踢法，佢哋唔係發揮得咁好，雖則拜仁雷斯响燕豪芬搵食，對荷蘭波好熟悉，肯定會過料畀啲隊友，不過「橙軍」呢排亦肯定會仔細研究「哥斯拉」嘅弱點，以尹戈爾呢類經驗豐富嘅領隊，實會算到哥斯達黎加行步路都難。

由水位去睇，荷蘭係晉級大熱，間間公司都睇高佢哋一線，贏應該贏到，問題只係贏一球定兩球，博讓一球/球半嘅2.15倍上盤至多咪輸半格。