主強對客弱撐史卓加斯特

猪拉多纳

世盃進行得如火如荼，而挪超經過接近半個月休息後亦重燃戰火，今晚頭場有場前列分子史卓加斯特主場迎戰尾二嘅辛尼斯。史卓加斯特今季聯賽三次落敗都係作客賽事，今次返到未輸過嘅主場又係時候發威，辛尼斯今季六場作客一和五負係全挪超最曳，捧讓球主勝無走雞。

（周日晚9時30分開賽）
辛尼斯水皮難招架

史卓加斯特現時喺挪超排第二，以6分落後榜首嘅莫迪。史卓加斯特今季三次聯賽輸波都係作客比賽，相反喺主場往往打高兩班波，今季佢哋喺主場七戰六勝一和，係全挪超主場成績最好嘅球隊，而且佢哋今季已經入咗23球，進攻火力有保證，除咗入咗6球嘅射手彼德高華斯之外，仲有另外10位球員試過攻破對手大門，進攻點十分平均。反觀辛尼斯今季只有兩場勝仗，而且都係主場賽事，淨計作客六場輸咗五場只得1分。球隊開季至今只入10球，係全挪超攻力最疲弱嘅球隊，今面對火力特強嘅史卓加斯特自然難以招架，讓球主勝絕對買得過！