4強超級戲碼生意創新高

猪拉多纳

今屆世盃4強戲碼之強可以講係史無前例，巴西、德國、荷蘭及阿根廷全部都係頂級勁旅，生意絕對係創新高，德國對法國嘅8強戰生意好到不得了，呢場初盤德國讓半球，賽前大戶一窩蜂捧法國，變到臨場法國平手低水。今屆好奇怪，大戶一出手不單只跌水，仲要轉埋盤，相信係莊家見到跟風客多，為減低風險要即時做嘢，反應夠晒快。

今晚先由東道主巴西和德國爭入決賽，目前德國贏波賠率較熱，但平手盤嘅話，肥叔都係睇好巴西。巴西今場雖然冇尼馬、堤亞高施華讓晒車馬炮，但始終有主場之利，巴西呢班波本身結構唔差，少一、兩個主力都唔會嚴重走樣，嚟到呢啲大賽主場好緊要，主場就係主場，點都打高兩班波，平手盤好抵玩。