荷蘭下盤穩中求勝

猪拉多纳

90分鐘有權頂住阿根廷

上屆亞軍荷蘭喺世界盃歷史入面，曾經3次打入決賽，一次係4年前，另外兩次就係上世紀1974、1978年，以呢個慣性嚟講，佢哋今場對住阿根廷未必唔掂，起碼90分鐘有權唔輸，受讓平半不妨博下盤。
足智彩和波偏低莊家驚橙軍偷到雞

荷蘭係3屆世界盃亞軍，生成一副二奶命，就算上世紀七十年代兩入決賽，都先後輸畀西德同今場嘅對手阿根廷。講起呢段陳年舊事，佢哋喺1978年決賽激戰90分鐘，都係同阿根廷打和，直至加時先輸畀呢個東道主，非常令人惋惜，而且佢哋仲因為咁沉咗10年，直至1988年捧走歐洲國家盃至重新崛起。由家陣荷蘭嘅人腳配搭、後備力量狀態去睇，真係同36年前有啲似，如果命運會重複，荷蘭或者又會連續兩屆入決賽，然後兩次都功敗垂成。

當然，呢啲只係宿命論，但係從實際情況去睇，荷蘭唔會冇機會入決賽，首先佢哋個主W雖然冷過阿根廷，不過足智彩個和波得2.98倍偏低，況且多數公司開嘅荷蘭主勝，都唔見得高出平均賠率好多，顯然佢哋都驚「橙軍」偷到雞，荷蘭受讓平半博得過。