巴西肉緊季軍戰一對中堅好分頭

猪拉多纳

巴西經歷4強恥辱性大敗，為挽回尊嚴及面子今場應會較肉緊，況且荷蘭領隊尹戈爾講明無心出戰季軍戰，唔排除會派副選落場，「首球」可以巴西球員為主。巴西前線冇邊個孭到飛，不妨再揀好分頭嘅雙中堅大衞雷斯及堤亞高施華。大衞雷斯上場擔任代隊長孭晒鑊，今次定必想將功補過，佢射罰球有一手可作首選。堤亞高施華制空力強，角球或罰球都有搵食機會，可兼選。