爆冷遮打盃主角

不死鸟

蔡約翰上周日又憑「贏得快」增添頭馬進帳，目前在練馬師成績表上，越迫越近榜首位置，大摩顯然不敢怠慢，今次沙田9草2泥11場賽事，共派出14駒報名，其中只有「紀利威龍」是第二後備，及時反撲要將強敵拋甩的決心，可以講一目了然。
看香港冠軍暨遮打盃2400米本地一級賽，僅得8駒報名，大摩佔其3，除了「爆炸」級數不足，必是陪隊份子之外，「爆冷」及「閒話一句」根本有權包辦連贏位，白德民雖然策「六六精英」，在剛周日未盡全力被罰停賽兩天，但這位摩?主帥，已擬提出上訴，所以遮打盃賽事，佢揀騎的一匹，追住來捧必然是正確抉擇，因為上周末（5月23日），白德民破天荒在5時20分趕到，第一匹策「爆冷」與「海中寶」拍跳1200米，到6時25分再替「閒話一句」主課1200米，亦見特別安排6個馬位後追趕?侶「一號種籽」，兩駒打磨十分積極，狀態亦各有千秋，但筆者卻認為，7歲的「爆冷」應該會擔正出擊，賭王出手豪爽，今季可能是「爆冷」最後捧遮打盃機會，戰意值得信賴。
另外，二班1200米草地賽，大摩有「比翼雙飛」及「步步快」同時列陣，兩匹馬上次跑完後，白德民操過「步步快」有4課之多，「比翼雙飛」操過一課，但「比翼雙飛」是第一出賽馬，而且同主?「花好月圓」、「鳥語花香」都證明包大偉先生購入之馬質素有保證，5月9日初出爭1000米跑入季軍，到5月21日主帥再試一課800米，已見上勁起力，今次初跑轉彎賽，隨時唔聲唔聲，嚇你一驚。
告東尼馬房插入三班，初上征途自購馬「締造美麗」今次爭草地1200米，有買就真係要趁早，因為一早試兩個大閘，認為狀態滿意才動用王牌報名，幕後知道係超級馬，下次再出一定無分頭，所以滿肚密圈要一出即勝也！