皇馬長途佳駟

不死鸟

好多朋友去深圳唔係去桑拿就係去卡拉OK娛樂場所，佢�\除了呢兩笪地方外，仲有冇其他地方好玩，十個有九個都答唔出。響深圳東部華僑城「茶溪谷」附近「濕地花園」風景都唔錯，置身其中可盡將城市煩囂一掃而空，人都精神晒！?度有一條食街，到現階段為止只有兩間大型食肆，地方都相當乾淨企理，心諗響咁好環境之下，又係遊客區，收費一定唔平得去邊，一睇之下剛剛相反，兩間食肆消費與市面同價，行到疲倦，可以響咁舒適環境稍作歇息，不失為人生一大樂事。
「比翼雙飛」新馬初出跑田草1000米，臨場已被捧成十倍唔夠，足證幕後信心之強，由於初出關係出閘較慢，但亦能剷入一席第三，經一次熱身後，狀態更趨穩定，馬房信心爆棚。「皇馬」走勢已經漸入佳境，據馬房大佬透露，此駒屬長途貨色，是否虛言拭目以待。