危險英駿好著數

不死鸟

第七場三班2000米。「危險英駿」（上圖）五歲當打馬，今季7戰取2W2P，首戰四班贏1600米，之後升上三班跑兩場1800米亦上名，且票數不弱，再出增程初跑2000三倍手到拿來，姿態及信心十足，加分後近仗票尷尬，謀定而動，敗不足據。復課勇況仍足，埋門梁家俊過檔拍試吸引，配梁家俊減磅搏殺，騎練剛戰有「馬中神駒」搏入冷�猓�再爭勝途矛頭直指今仗。
「好著數」田谷長途俱佳，伺機而動，兩仗前谷草2200柏寶贏得出色，上場全程居後無段好睇，未盡發揮輸形勢，近況仍佳，仍配近期旺人柏寶，此程一戰即勝，路合人強變化地佳，威脅力強。「駿馬精英」質新當起越戰越勇，連仗不敵「家家寶」及「競駿精英」等強手情有可原，三班有利，加程必合，後上有力介入戰團。
「皇馬」長途馬狀態到位，陣上試準不可不防。「衝勁直前」亦有同感，上仗重新上名，減夠分有力反彈，加入考慮。

爆冷平磅贏盡卡士

第八場一級賽2400米，冠軍暨遮打盃。「爆冷」馬王級良駒居此跑平磅贏盡卡士，上場女皇盃不敵外隊「百威勝」而已，今仗面對不少蹄下敗將，同程3戰取2冠1亞，埋門仍積極備戰，如無意外應可輕取錦標。
「好先生」秉承來港前一貫準繩表現，上場新勝同程，鬥志鮮明更值一讚，逢出必拚，捲土重來穩入前列。「閒話一句」長途亦具實力，備戰無放緩，如下決心馬房有權雙龍出海。「自由好」忠心馬有態甚少大敗，配柏寶不會袖手旁觀。「怡勝」季內4捷殺得性起，復課韋達仍愛不釋手，拖多一票。