佐加頓斯赫根細均力敵

猪拉多纳

瑞超周一獨腳戲，佐加頓斯主場迎戰赫根，兩軍喺上輪聯賽分別大勝而回，今場正面交鋒諗住入球騷實冇走雞？卡爾萬就覺得未必喇！佐加頓斯首席射手菲素拉賀最近喺自己地頭惡唔出樣，赫根每逢作客就例牌腳軟，1.88倍入球細有得諗。

（開賽時間：周二凌晨1:05）
前鋒主場冇貨賣

佐加頓斯上輪5:3擊敗諾高平開出客其他，首席射手菲素拉賀梅開二度，耶禾同祖域克兩名箭頭都有進帳，睇落進攻火力勁得人驚。但值得留意嘅係，佢哋幾個最近喺主場都冇貨交，只得菲素拉賀入過1球12碼咁大把，搞到球隊連續3場聯賽都贏唔到，鋒力並唔係想像中咁堅。

至於赫根上輪主場4:1大炒奧雷布洛，聯賽開鑼至今7戰主場5勝2和未輸過，當中更不乏大勝，確實係幾抵讚嘅，弊在佢哋一到作客就變咗第2隊波，除咗兩、三個月前趁住勢頭好，試過連贏兩場，其餘5場僅得1和4負劣績，近3場成隊夾埋入得嗰1球，況且當家射手艾卡比亞日前離隊後，隊波明顯未搵番前線孭飛核心。既然一隊主場唔識發威，一隊作客又唔識入波，梗係撐細波啦！