精算拍檔破悶局

不死鸟

第六場三班1200米。「精算拍檔」前次久休復出都輸不遠，開氣後上賽轉攻田草1200米即有飛，輸畀「加州滿意」跑第五表現不過不失，惟按上季跟「蝦王至上」、「威騰」串Q，目前評分點計都有�魯担�今回轉打谷草1200米主意，季內初出首次涉足此程都近，結合同系馬而言肯定難不到牠，這次起用楊啟棠只?115磅，又抽埋1檔必有遮擋，半冷博得過。
「再來風」上次抽外檔都有揀，臨時易配薛順強幾乎?晒，輸畀有班底的「龍船旺」無話可說，證明三班都夠爭，今次用番馬偉昌抽番好少少的8檔，唔嫌熱是馬膽對象。「龍船旺」走五、六疊臨門50米?贏前駒，問你服未？要得「再來風」無理由唔揀此駒。「新薪」上賽多少受惠1檔慳位衝贏「揀得準」，不過本身進步亦大，換上柏寶點都要加入考慮。
第四場四班1200米。「精彩生輝」是「勇猛神駒」同系的周歲馬，3試大閘有越磨越利之感，首戰即安排谷草未必無因，勿忘記「玉峽生輝」也是同一情況一出即勝，用勞愛德更有可博道。