玩具神話補出有計

不死鸟

眨�醒塾值�6月份，今個馬季計埋今晚谷草夜戰仲有8次賽事就完結，而上周日馬會公布最受歡迎騎師及馬匹候選名單，令人驚喜係見習生蔡明紹榜上有名，無可否認此小子自去年12月20日出道以來，當日憑「威利來」打開勝門，見習生能一出即贏馬，無疑係幫佢打?支強心針，繼後持續有頭馬交出，當然是其師傅告東尼教導有方，但其努力不懈得來成果亦是成功因素，而在短短5個月交出33場頭馬，排列騎師龍虎榜第7位，比起外籍大師傅成績更勝一籌，可見其受馬主及練馬師歡迎程度，所以今次選舉最受歡迎騎師，洛維必然投蔡明紹一票，亦希望各公眾馬友踴躍投他一票，創造香港賽馬史上首位見習生出道不足一年獲最受歡迎騎師獎。
今次谷草8場夜賽，當起見習生蔡明紹仍獲師傅告東尼重用，交由他策騎5駒，洛維看好他出戰第五場四班1650米的「歡騰」。此駒上仗由姚?轉投入東?後首次上陣，出戰田草1400米得第5，睇表面賽績唔起眼，但陣中走勢明顯較前好，起碼見牠唔再搶口，反映馬匹勤跑下成熟有進，此系馬素來支持告仔，今次歸隊來投東?，以告仔性格必然會撚好其狀態盡快交出頭馬，而上仗走入第5，練者心中有數，復課亦見加強備戰，馬匹在力磨下，勇態攀升甚佳，今次轉戰谷草1650米，過往未成熟在此程大敗不可作準，現時成熟有進兼狀態露勇，班利份子得告仔做足工夫而來，力足贏馬省招牌。
第八場三班1650米。「玩具神話」終在上場谷草1650米打開首次勝門，無疑以短頭贏來驚險，但馬匹不斷進步乃不爭事實，按上場初跑谷草此程，有能在最後200米外疊蝕位後追取勝，足證牠除有十足狀態支持外，其鬥心強勁亦係贏馬關鍵，上仗勝後馬偉昌仍落力打磨，顯見騎者重視，而此駒排位前屬後備一，但馬偉昌寧棄同場正選馬「海力童」，係都要騎「玩具神童」，果然昨日公布同場「海力童」退出，「玩具神童」補上，馬偉昌求仁得仁，今戰再跑回勝途，當起勇馬力足再下一城。