紅軍雙星升呢追打老弱AC

猪拉多纳

利物浦依家喺國際冠軍盃B組以5分位列榜首，聽朝最後一輪賽事，將會面對同組實力最弱嘅AC米蘭，「紅軍」只要贏波就肯定殺入決賽，利記個主W有1.75倍，當然撐得過啦！

（有線61及201周日早上6:30直播）
利物浦贏波即入決賽

利物浦上場同曼城打成2:2平手，互射12碼以3:1勝出得2分，家陣佢哋以5分喺B組領放，狀態都幾弗，尤其係中場「發電機」佐敦軒達臣進步咗唔小，上仗又有士哥，射術大幅升呢，以佢嘅活力，AC班中場老將追到氣咳都似。另一件有驚喜嘅「紅軍」球員，就係快翼史達寧喇，呢位英格蘭國腳近2戰都有波入，對住AC條豆腐防線，又係騷哥利嘅好時機。

相反，AC實力「Keep住」好似上季咁弱，過去兩場分組賽更狂失8球，條防線曳到不堪入目，進攻又唔夠銳利，教練恩沙基都苦無對策，惟有要求班波踢得狠啲喎，查實恩帥自己都未摸熟班波就亂點鴛鴦，倒不如拿拿聲返意大利備戰、了解吓班手足先再傾啦！