侯斯頓入球騷嗌醒你

猪拉多纳

香港人工作壓力大，日日開OT平常不過，有時忙到連禮拜六日都冇得抖，不過科娜無論幾忙都好，都會半夜起身睇波，跟住瞓多陣先返工，但就往往唔夠瞓而冇乜精神，近排就有啲唔同，為咗睇愛隊利物浦喺美國踢嘅國際冠軍盃，每朝6、7點就起身睇完波先再返工，發現反而仲精神咗，可能睇波幫到我哋放鬆之餘，又能夠進入亢奮狀態，大家不妨試下朝早睇波再返工，睇下個人會唔會精神啲。
華盛頓聯隊進攻着晒火

多數喺朝頭早踢嘅美職向來娛樂性第一，入波大過天，就最啱畀大家睇完先返工，咁多波入，真係未瞓醒都會睇到醒！聽朝8點就有場美職直播，由侯斯頓戴拿模主場對華盛頓聯隊，預料雙方將合演一場入球騷。首先侯斯頓戴拿模近況頹到爆，近八場美職錄得六負二和，失波失到得人驚，場場都失二至四球，防守可謂弱爆，相反華盛頓聯隊就弗到漏，取得四連勝之餘，場場都入兩三粒，前鋒艾迪莊遜、進攻中場路爾斯施華等狀態大勇，睇波之餘不妨捧埋入球大。

（TVB 301周一早上8時直播）