1860凱沙羅頓做大騷

猪拉多纳

德乙凱沙羅頓上季一度有望取得升班席位，可惜最終功虧一簣。佢哋今季捲土重來，今晚主場惡戰1860慕尼黑，一場入球騷睇怕在所難免，與其估輸贏不如轉捧1.77倍入球大好過。

（開賽時間：周二凌晨2:15）

凱沙羅頓連續兩季同升班只差一步之遙，惜都未能如願。教練雲查錫今季狠下決心重整鋒線，放走柏素、西蒙索拿、伊度素等人，由拿傑、史提芬穆高沙合組新鋒線。呢對新組合口喺早前熱身賽均已取得「士哥」，但係雲查錫仲補入前史浩克04前鋒菲臘賀夫曼，一日正選未定，相信呢班射手都會爭表現落力數胡。

1860慕尼黑今季雖有前鋒大迫勇也、中場盧域、史杜甘比離隊，不過就由巴塞B隊補入兩名中場新星伊度比迪亞及伊利山齊士，加埋前鋒李安納度辛迪亞高來投，火力有增無減。事實上佢哋喺近4場熱身賽每仗都至少轟入2球，對手亦唔係咩二打六，包括史篤城同慕遜加柏，證明已經搵到板斧入波，就算今晚唔可以全身而退，想入番粒睇怕都唔係咩大問題。