拿玻里執靚陣拆巴塞招牌

猪拉多纳

雖則話季前賽輸贏等閒事，歐洲勁旅都唔會落力應戰，不過一啲「強強對碰」嘅場合畀到各位球迷新鮮感，好似周四凌晨有場拿玻里喺瑞士日內瓦球場對巴塞隆拿，雙方極少喺歐洲賽對陣，而由賓尼迪斯帶領嘅拿玻里近況大勇，遇上易帥冇耐嘅巴塞，相信拿玻里贏面較高，主W好路！

（now 632周四凌晨2時直播）

巴塞教頭安歷基今夏啱啱接手，冇可能一嚟到就可以教到班波變返「地上最強」，所以球隊近三場熱身賽僅得一勝，表現非常麻麻，最「肉酸」係上場即使有沙維、碧基、恩尼斯達等西班牙國腳重返正選陣容，都係贏唔到尼斯，即使王牌美斯已歸隊，但上陣機會唔大，加上沙維賽前仲喺操練中接傷小腿，實難寄予厚望。
拿玻里新兵對辦

相反，由賓尼迪斯教咗拿玻里成季，陣容已見完整，近三場熱身賽皆贏對手兩球以上，同時幾位新兵表現對辦，想睇「戰術大師」賓尼迪斯點樣帶領拿玻里KO「地上最強」，球迷就咪錯過今場波嘞！