拖連奴唔使搏吼細

猪拉多纳

歐霸首回合領先布軍3粒

歐霸盃外圍賽第3圈次回合賽事今晚上演，其中意甲球隊拖連奴首回合遙遙領先3比0，今仗雖有主場之利但隨時「Hea踢」了事；而瑞典超球隊布納馬波卡納實力有限，作客恐難偷雞，阿King認為今仗入波唔會多，捧細盤。

（周五凌晨2時30分開賽）

拖連奴今夏雖失去射手恩莫比尼，但日前成功收購祖雲達斯前鋒加利亞雷拉，又由AC米蘭借得洛斯連奴，球隊攻力有增無減。拖連奴上仗作客3比0輕取布洛馬波卡納，前鋒拿朗度梅開二度表現最好，但有中場韋維斯上仗領紅今場要停賽，球隊喺遙遙領先今仗未必會搏命，隨時「Hea踢」。
AIK蘇納主場可添食

布納馬波卡納係通過公平競技評選先可以出戰歐洲賽，呢班波陣容深度唔夠，踢埋歐洲賽結果搞到「兩頭唔到岸」，而家喺聯賽排包尾。佢哋今季聯賽作客未贏過，加上後衞沙格斯唐上仗領紅牌今場要停賽，要取得入球甚至擊敗對手絕對唔係易事，阿King認為今仗會係少入球賽事，捧有2.65倍嘅細盤。

其餘推介，瑞典兵AIK蘇納雖有中場迪米里亞迪斯仍因傷缺陣，但前鋒巴侯爾連續兩場有波入狀態甚弗，加上球隊主場已連贏7場，有望擊敗作客嘅哈薩克球隊艾斯坦拿。至於燕豪芬今仗有前鋒祖斯蘇上仗領紅牌要停賽，今仗作客奧地利乙組球隊聖普爾頓，後者勢必全力搶攻力圖反勝晉級，今仗捧入球大。