廠仔防線執位曼城玩大佢

猪拉多纳

社區盾係英超開季前重頭戲，即使大家都未熱好身，想守都唔易呀！阿仙奴今晚喺溫布萊球場對曼城，追1.62倍入球大着數，畢竟兵工廠防線大執位唔似可以保持清白，而且艾朗藍斯正式做廠長，梗係會攻到曼城氣咳啦！有佢幫手好易開入球騷。

（now621及632台周日晚10:00直播）
阿仙奴後防3新兵壓陣

由於隊長華美倫即將被賣走，中堅梅迪薩卡、中場奧斯爾同前鋒普多斯基未歸隊，意味英足盃冠軍阿仙奴今場估計要用新簽入嘅哥林張伯斯同迪保治，分別打中堅同右閘，假如門將奧斯賓拿都正選出戰，後防就有3個新球員同時亮相，默契唔夠失波都好正常啦！

仲有呀，聽講阿仙奴領隊雲格已決定，新球季由艾朗藍斯做隊長，大家都知上季佢受傷前踢到曉飛，依家好番晒做埋隊長，實會加多兩錢肉緊入波。況且新簽入嘅翼鋒阿歷斯山齊士都要爭取表現，「藍神」＋「A山」真係好難頂得住。
曼城熱身賽最少入2粒

另一方面，英超冠軍曼城有射手阿古路同右閘薩巴列達未歸隊，前鋒尼格度又重傷，但祖維迪搭迪斯高，依然充滿戰鬥力。假如佢哋唔想坐冷板，就要把握機會喺季初入多幾球，否則有排受。所以話曼城最近喺熱身賽每場至少攻入2球，唔係無理由嘅，而且近年社區盾旺入球大，一於開番個入球大支持區啦！
Data King：英超冠軍3連霸

‧計90分鐘近5屆有4次開大。

‧連續3屆由英超冠軍勝出。

‧阿仙奴過去12次成為社區盾冠軍，另外7次出戰落敗。

‧曼城以往4次贏得社區盾，另外5次出戰敗陣。
乜都玩錦囊：曼城打廠醒神博先入波

曼城上季試過喺聯賽主場以6:3狂炒阿仙奴，雖然要重現呢個賽果或者幾難，但曼城對住兵工廠又真係特別醒神，已經連續4次先開紀錄，假如大家怕入球大唔穩陣，揀曼城1.73倍「第一隊入球」都OK，隨時未完半場就收錢啦！