打比郡炒格冇素講

猪拉多纳

聯賽盃遇乙組仔嗒糖

打比郡日前喺英冠開鑼戰，擊敗洛達咸攞咗個頭彩，事隔3日，今晚就要喺聯賽盃首圈對英乙球隊卡素爾。雖然可以預計打比郡領隊麥卡倫今場會收起部分主力，不過對住「英乙仔」，用副選都應該夠Easy Win，一於撐2.55倍嘅「讓客」啦！

（TVB301及廣東體育周二凌晨2:45直播）

喺英冠開咧戰以1:0小勝洛達咸打響頭炮嘅打比郡，其實目前陣中都有唔少傷兵，好似中場佐治科奧尼、後衞麥克奧拜恩都仲養緊傷，今場繼續休戰。
英乙開咧戰輸波卡素爾殘陣態沉

好在肋骨骨折嘅打比郡中堅韋伯特，上場已經被列入後備名單，相信已經傷愈可以隨時候命，今場麥卡倫應該會畀機會佢，拍住90後小將施路斯基士堤鎮守防線，兼且操番Fit狀態。

對手卡素爾喺英乙開鑼戰，主場0:1輸畀盧頓落筆打三更，佢哋個守將艾治巴特亨維利仲坐越季波監停3場，今戰要繼續踎喺看台，而佢哋其中一位主將艾莫雖然傷勢好得七七八八，但係首戰踢得75分鐘狀態明顯未十足，計實力計狀態都冇得同打比郡揮，今場越級挑戰只可以怨籤運唔好，都係專心打聯賽算啦！