軒歷拿臣撐起科根堡

猪拉多纳

要數瑞典足球代表人物，除「戰神」伊巴謙莫域外，另一位就一定係軒歷拿臣，喺瑞典球迷心目中，呢位名宿嘅地位甚至喺「戰神」之上，現年42歲嘅軒歷拿臣喺掛靴後開始執教生涯，今年更成為瑞超升班球隊科根堡主帥，首要目標就係帶領球隊護級成功，依家科根堡喺聯賽排緊第10位，成績相當唔錯。今場科根堡作客卡爾馬，兩隊都係年輕有活力嘅球隊，大盤值捧。

（周五凌晨1時開賽）
對卡爾馬追大盤

科根堡係瑞超神奇球隊之一，陣容喺16支球隊入面最弱嘅一隊，球員又欠缺比賽經驗，所以季前好多人都唔睇好呢隊波，認為科根堡降硬班。不過主帥軒歷拿臣化腐朽為神奇，將呢班後生仔嘅潛力發揮出嚟，例如19歲加納前鋒葛斯維當約以及21歲瑞典中場祖漢斯禾爾近期均頻頻入波，表現搶鏡。不過科根堡嘅隱憂係防守脆弱，面對同樣係後生有朝氣嘅卡爾馬，大盤可追！