洛達咸莫氣「半和」抖陣先

猪拉多纳

洛達咸同狼隊呢兩支英冠升班球隊咁快就喺第二輪賽事碰頭，前者主場，兩軍分別喺三日前踢完英聯盃對戰低組別球隊，洛達咸要踢到加時先將英甲嘅費列活特踢出局；狼隊仲衰到爆冷輸畀英乙諾咸頓，防守脆弱，今場或會以守為先，阿King認為半場和可以一試。

（TVB 301周六晚10時直播）
狼隊作客求穩陣

洛達咸上場喺英聯盃踢足120分鐘，勁辛苦先靠12碼以1比0擊敗費列活特，相信球員都要啲時間回一回氣，上半場唔扯到咁盡，費事搞到下半場腳軟輸番轉頭。作客嘅狼隊喺英冠開咧戰好威咁擊敗諾域治，不過去到英聯盃就輸畀乙組仔，球員喺心態上無疑有啲輕敵，搞到防守鬆散，今場唔可以再重蹈覆轍，肯定會踢得穩穩陣陣，捧半場和啱數！

阿King再介紹多兩場英冠賽事，般尼茅夫主場對賓福特；般尼茅夫近況大勇，新將哥林威爾遜表現出色，料可再下一城，捧主勝！最後錫周三主場對打比郡，客隊防守力強，近五仗皆能保持不失，細盤值得捧場。